Relations Politiques de la France Et de l'Espagne Avec l'Ecosse au Xvie Siecle - Papiers d'Etat, Pieces Et Documents Inedits ou Peu Connus Tirés des Bibliothéques Et des Archives de France; Correspondances Françaises; 1575 1585 #253142

Sire,... pour la fin je vous diray que en huict jours M. de Champagny a esté aussi favorablement receu, traicté, caressé, festoyé, honoré et respecté par deçà qu'il avoit esté mal auparavant. Il a bien acquis des amys en peu de temps et en a de bons par deçà, et hommes et femmes, pour le Roy son maistre. Il a faict des dépences infinies et a esté festoyé à la cour, et, dimanche dernier, la Royne dansa devant luy. Hier maister Hatton, cappitaine des gardes, et le sieur Henry Coban le furent veoir avec plus de trente gentilzhommes. Ce ne sont que festins et banquetz qu'il faiet tous les jours. Mondict sieur le conte de Lestre l'a aussi favorablement traicté et festoyé. Ceulx de Hollande et Zélande font la court de l'autre costé à leurs amys, mais ilz n'ont pas si bonne bourse que luy, et qui veult estre bien venu et avoir bon crédit par deçà, il ne la fault pas avoir mauvaise.